«Пахтакор» жамоаси бош мураббийи Питер Ҳюистра Ўзбекистон U-14 чемпионати ҳақида фикр билдирди.
«Мен бутун чемпионат ҳақида фикр билдира олмайман, чунки яримфинал ва финал учрашувларинигина кўрдим.
Ташкилотчилик юқори даражада бўлди. «Одил-Жуниор» чемпионликни қўлга киритгани бежиз эмас. Жамоа бошқалардан жозибадор футболи билан ажралиб турди.
«Хоразм U-14» жамоаси аъзолари ўзлариниг энг яхши томонларини кўрсата олишди. Яримфиналда «Пахтакор U-14» жамоасига омад етишмади.
Ҳар бир жамоада 3-4 нафардан яхши ўйинчилар бор. Ёш футболчилар учун бундай турнирлар катта аҳамиятга эга.
Турнир учрашувларида олий тоифали ҳакамлар фаолият юритгани, танланган стадионлар, уларни қандай безатилганлиги, тақдирлаш маросими, совринлар ва мукофотлар мусобақа юқори савияда ташкиллаштирилганлигидан далолатдир», — дейди Хюистра.