Немис мутахассиси Юрген Клопп УЕФА ва ФИФАни зич тақвим юзасидан танқид қилишда давом этмоқда.
Бу сафар Миллатлар Лигаси мураббий томонидан эътирозларга сабаб бўлди. Клопп алоҳида эътиборни учинчи ўрин учун ўйинга қаратди.
«Ёзда Миллатлар Лигасида яна тўртта ўйин бўлади. Бу ўтакетган жиннилик. Биз дарҳол Миллатлар Лигасининг маъноси йўқлигини айтгандик.
Жуда ғалати ўртоқлик учрашувлари. Айни дам турнир мавжуд ва бундан бош тортишнинг иложи йўқ.
Бунинг бадалини футболчилар тўлайди. Раҳбарларнинг очкўзлиги футболчиларга зарар етказмоқда.
Миллатлар лигасида учинчи ўрин учун учрашув ўтказилишини тасаввур қилиш қийин. Бу ҳеч қандай маънога эга эмас», дейди Клопп.
