"Барселона" "Манчестер Сити" ярим ҳимоячиси Раҳим Стерлингни сотиб олишни ўйламоқда. Бунинг сабаби қилиб жамоа вингери Усмон Дембеле билан янги шартнома борасида музокараларнинг жуда секин тарзда кечаётгалиги кўрсатилган.

"Mundo Deportivo" хабарига кўра, Каталония клуби январь ойида инглиз футболчиси билан шартнома имзолаши мумкин, чунки Дембеле билан янги шартнома борасида ҳеч қандай янгилик йўқ. Бунинг устига французнинг агентлари клуб билан музокараларни кечиктирмоқда. Агар Усмон "Барса" билан қишгача шартнома имзоламаса, клуб уни бошқа майдонга туширмоқчи эмас ва унинг ўрнига бошқа футболчи олиб келмоқчи.

Эслатиб ўтамиз, яқинда Стерлинг унга кам ўйин амалиёти берилаётганидан норозилиги ҳақида хабарлар чиққан эди.