Шанба куни «Лацио» Италия чемпионатида «Интер» ни 3:1 ҳисобида мағлуб этди.
Финал ҳуштагидан кейин ғалабадан хурсанд римликлар ҳимоячиси Луис Фелипе Хоакин Корреанинг елкасига сакраган ҳолда вазиятни нишонлаганидан хабарингиз бор.
Ҳаммаси ноодатий якунланди, Корреа ўтган ёзда «Лацио»дан «Интер»га кўчиб ўтган. Фелипе унинг яқин дўсти бўлса да, Корреа бундай ҳаракатни тушунмади ва ғазабланди.
Ҳакам Луис Фелипенинг ҳаракатига қатъий жавоб берди ва «Лацио» ҳимоячисига қизил карточка кўрсатди. Фелипе бу шунчаки ҳазил эканлигини тушунтиришга уринди, лекин фойдаси бўлмади. Луис ўшанда ҳатто йиғлаб юборди.
