"Бавария" бош мураббийи Юлиан Нагельсманн Бундеслиганинг 8-туридан ўрин олган "Байер"га (5:1) қарши ўйин ҳақида фикр билдирди.

"Ярим ҳимоядаги тўрт футболчимиз ҳам биринчи бўлимда аъло даражада ўйнашди. Киммихнинг ажойиб учрашув ўтказганини таъкидлаб ўтиш керак. У ўйин давомида чиройли комбинацияларда қатнашди ва прессингда ажойиб ҳаракат қилди. Шунингдек, биринчи бўлимда Леон Горецка жамоамизнинг асосий ўйинчиларидан бири эди, у рақибларини саросимага солиб, тўпни хавфли зоналарга аниқ тарзда етказиб берди. Умуман олганда, бугун ярим ҳимоячиларимиз жуда яхши формада эди.

Биринчи бўлимда бизда ақл бовар қилмас вазиятлар бўлди, биз тўпга эга бўлганимиз учун ўйинни назорат қилдик. Агар қарши ҳужумдаги имкониятларимиздан фойдаланганимизда 6, 7 ёки ҳатто 8 голни урган бўлар эдик. Биз жуда кучли ўйнадик”, - дея сўзларини якунлади Нагельсманн.