Испания чемпионатида 9-тур ўйинлари давом эттирилди.

Кечаги куннинг марказий тўқнашувларидан бири Каталония шаҳрида кечди. «Барселона» ўз майдонида «Валенсия»ни қабул қилиб, 3:1 ҳисобида ғалаба қозонди. Мазкур ўйин «кўк-анорранглилар» учун ҳар томонлама муваффақиятли бўлди. Роналд Куман атрофидаги миш-мишлар бироз камайган бўлса, шунингдек, Ла Лига турнир жадвалининг юқори қисмидаги жамоаларга яқинлашишди.

Бундан ташқари, Ансу Фати ва Филиппе Коутиньо ўйинда гол уришди. Ёш испаниялик учун тиззасидаги муаммолар туфайли деярли бир йилдан сўнг, асосий таркибда майдонга тушиб, биринчи марта гол урди. Бразилиялик эса 11 ой ичида биринчи марта рақиб дарвозабонини хафа қилишга эришди. Охирги марта яримҳимоячи рақиблар дарвозасини 2020 йил ноябрь ойида ишғол қилган эди.

Шунингдек, ҳужумчи Серхио Агуэро 87-дақиқада захирадан майдонга тушиб, каталониялик сафида дебют ўйинини ўтказди.