"Ман Сити"нинг мақсади келаси ёзда футболчини жамоага олиб келиш.
Англиянинг "The Athletic" нашрининг хабар беришича, "шаҳарликлар" ёзги трансфер ойнасида ярим ҳимояни кучайтиришни ўйламоқда. Хусусан, бразилиялик марказий ярим ҳимоячи Фернандиньо ўринга Лондоннинг "Вест Хэм" жамоасидан Деклан Райсни сотиб олмоқчи. Клублар ҳали музокараларни бошлашмаган.
22 ёшли англия терма жамоаси аъзоси бу мавсум "болғачилар" таркибида 8та ўйинда майдонга тушди ва самарали ҳаракат амалга оширмади. Transfermarkt портали унинг нархини 70 миллион евро қилиб белгилаган.
