"МЮ" мураббийи Оле-Гунар Сульшер "Лестер"га қарши мағлубиятда фақат Погба ва Матичнинг айби борлигини инкор қилди. У бу ҳақда шундай дейди:
"Биз осон ўйин ўтказмадик. Мен ҳаммасини Пол ва Неманяга тиркаб қўя олмайман. Бу бутун бир жамоа. Биз жамоа сифатида мустаҳкам, тиришқоқ ва агрессив бўлишимиз керак. Биз ортдаги ҳудуд билан яна ишлашимиз лозим. Бу камчилигимиздан улар фойдалана олишди. Биз иккинчи тўпларни олишда жонбозлик кўрсатмадик. Элликка эллик имкониятимиздан охиргача фойдаланмадик. Бўш ҳудудлар ҳосил қилмадик. Бу эса ҳимоямизни ҳам заиф қилиб қўйди".
Эслатиб ўтамиз, манкунянликлар ҳафта ўртасида ЕЧЛ доирасида "Аталанта"ни қабул қилади.
