"Барселона" собиқ президенти Хосеп Мария Бартомеу "Ливерпуль"дан бразилиялик ҳужумкор ярим ҳимоячи Филиппе Коутиньо ва Дортмунднинг "Боруссия"сидан сотиб олинган Усмон Дембеленинг трансферлари кутилганидек бўлмаганини тан олди.

"Дембеле ва Коутиньонинг трансферлари? Футболчилар биз кутган ўйинни намойиш қила олишмади ва уларга кетган катта трансфер суммалари деярли ўзини оқламади. Футболда бундай ҳолатлар рўй бериб туради. Икки футболчи билан шартнома имзоланганимизда, ҳамма бизни олқишлади. Энди эса...

Иньеста кетаётгани учун Коутиньо олиб келишга мажбур бўлдик. У ўша вақтда Англия чемпионатининг энг яхши футболчиси эди. Дембелени эса Неймарнинг ўрнини тўлдириш мақсадида сотиб олгандик. Аммо футболчилар ишончни оқламади",- дея сўзларини якунланди Бартомеу.