«Ливерпуль» бош мураббийи Юрген Клопп УЕФА Чемпионлар лигаси гуруҳ босқич «Атлетико»га қарши ўйиндан сўнг журналистларнинг саволидан норози бўлди.
ОАВ вакили Диего Симеоненинг бу ҳаракати немисни ғазаблантирадими, деб сўради. Финал ҳуштагидан сўнг, «матрасчилар» мураббийи Юрген билан қўл бериб кўришмаганди.
"Бу мени ғазаблантирдими? Мен аҳмоққа ўхшайманми? Ундан сира ҳам жаҳлим чиқмади. Сиз бу орқали зиддиятли ҳикояни ошкор қилмоқчисиз.
Мен қўл силтаган бўлардим, лекин у хоҳламади. Мен Симеонени тушуна оламан. Диего - ҳиссиётли одам, мен ҳам шундайман.
Сиз эса яхши одам эмассиз, чунки сиз бундан сенсация ясашга ҳаракат қилмоқдасиз”, - дейди Клопп.
