«Реал» ҳужумчиси Карим Бензема «Шахтёр»га қарши ўйиндан сўнг ўз фикрлари билан ўртоқлашди. Футболчининг айтишича, ғалабали ўйинда жамоа юқори савияли ҳарактерни намойиш эта олишган ва табиийки ғалаба қозонишди.

«Бу муҳим учрашув бўлди ва биз энг юқори даражадаги ўйинимизни кўрсатдик - биз жуда кўп гол урдик ва гол ўтказмадик.

«Шахтёр» — яхши жамоа, дастлабки 15 дақиқада улар бизга босим ўтказдилар, лекин биз бу ҳужумларга дош бердик, кейин ўйин тизгинини ўз қўлимизга олдик.

Винисиус Жуниор? У ёш, лекин бундай муваффақиятлар (у учрашувда дубл муаллифига айланди) унга шунчаки келгани йўқ. У бунга лойиқ эди.

Вини жамоанинг фойдаси учун тинимсиз ишлайди ва умид қиламанки, у мавсум охиригача бу фантастик формасини сақлаб қола олади», - дейди Бензема.