Чемпионлар Лигаси гуруҳ босқич 3-тури доирасида "Манчестер Юнайтед" ўз майдонида «Аталанта»ни қабул қилди ва иродали ғалабага (3:2) эришди.
Манкунианликларнинг иккинчи голини киритган жамоа сардори Харри Магуайр учрашувдан кейин ўз фикрларини билдириб ўтди.
"Биринчи бўлимда ҳақиқатан ҳам кўплаб вазиятлар яратдик, шунинг учун танаффусга яқинлашаётганимизда урилган гол муҳим бўлишини билардик. Ўзимизга керак бўлган ура олдик. Ўйлайманки, якунда ғалабага ҳақли эришдик".
Магуайр учрашувнинг 81-дақиқасида бош билан гол уриб, ғалаба келтирган Криштиану Роналду ҳақида: "Унинг йўлини кўрдим, орқасида турган эдим. Роналдунинг сакраши, вақтни тўғри тақсимлаши - у шунчаки бош билан қойилмақом даражада ўйнайди".
"Бу жорий мавсумдаги биринчи ва Чемпионлар Лигасидаги илк голим. Шундай экан, бу мен ва ўйинни стадиондан кўрган оилам учун фахрланадиган лаҳза бўлди".
МЮ устози Оле-Гуннар Сульшер ушбу ғалабадан кейин ўз фикрларини билдириб ўтди.
"Мухлислар — клубнинг катта қисми. Бугун куйлаган секторда бўлган ишқибозлар футболчиларга ишонч беришди. Бу "Манчестер Юнайтед"ни Чемпионлар Лигасидаги кечасида руҳлантирди".
Сульшер Роналдунинг ўйини ҳақида: "Агар кимдир унинг иш ҳажми ва муносабати ҳақида танқид қилса, бугунги ўйинни ва унда Криштианунинг қанча югурганини томоша қилинг".
Танаффус вақтида шогирдларимга шундай дедим: "Ишонинг, кейинги голни биз киритамиз. Чунки, ўйинни ўз фойдамизга ҳал қиламиз. Бошқа гол ўтказиб юбормасак, ўйинда ғалаба қозонишга ишончим комил".
«Аталанта» бош мураббийи Жан-Перо Гасперини: "Бу жамоага қарши, бир лаҳза ҳамма нарсани ўзгартириб юбориши учун етарли. Ўйлайманки, учинчи голни ҳам урганимизда, бунга жуда яқин келгандик - ғалаба қозонган бўлардик.
Бир нечта футболчилар ўйинни ўтказиб юборишди, лекин бугун ҳаракат қилганлар ҳам яхши ўйин кўрсатишди. «Юнитед» кучли эканлигини билардик. Шундай ўйинлардан сабоқ оламиз, аммо бир муддат ўрганишдан тўхтаб, уни амалда қўллашни истаймиз".
«Аталанта» ўнг қанот ҳимоячиси: "Натижадан жуда афсусдамиз. Ўйинни ташлаб юборгандек ҳис қиляпмиз. "Манчестер Юнайтед" сингари жамоаларга қарши суратни юқори ушлаб туришингиз керак".
