«Барселона» ҳужумчиси Ансу Фати «Барселона» билан янги шартнома имзолангани ҳақида гаприди.

«Мен ёқтирган клубимда ўйнашда давом этишимдан жуда хурсандман. Менга берган имкониятдан жуда миннатдорман. «Барселона»да ўйнаш - бу йиллар давомидаги меҳнатим. Худога шукур, клуб менга буни давом эттиришим учун имконият берди. Энди мен ишлашда давом этишим ва майдонда ўзимга бўлган ишончни тиклашим керак. Ҳар доимгидек, менинг мақсадим - футболчи сифатида ҳам, шахс сифатида ҳам такомиллашишни давом эттириш ва барча совринлар учун курашиш», - деди Фати Sport.es нашрига.

18 ёшли ҳужумчи жорий мавсумда «Барселона» сафида 5 та ўйинда майдонга тушиб, 2 та гол ва 1 та голли узатмани амалга оширди.