Дам олиш куни Суперлига лойиҳасида шерик бўлган икки душман «Барселона» ва «Реал» жорий мавсумдаги биринчи «эл-классико»да майдонга тушишади. Каталонияликларнинг ўйиндаги, шунингдек жамоавий муаммоларига қарамай, клуб вакиллари ижобий натижага эришмоқчи.

Жамоа бош мураббийи Роналд Куманнинг айтишича, «Барса» футболчилари мадридликлар устидан ғалабақозонишга потенциали етади. «Нега йўқ? Биз қила оламиз», - деди голландиялик Маrcа нашрига берган интервьюсида.

«Кўк-анорранглилар» президенти Жоан Лапорта ҳам мухлисларни стадионга келишга ундаган. «Ишонаманки, биз бу қарама-қаршиликда уч очкони қўлга киритамиз», - дейди каталонияликлар раҳбари.