"Ливерпуль" ярим ҳимоячиси Жеймс Милнер Чемпионлар лигаси гуруҳ босқичи 3-туридан ўрин олган учрашувда "Атлетико"ни мағлуб этганидан кейин (3:2) жамоасининг ўйинини юқори баҳолади.

"Очиғи, ҳали устида ишлашимиз керак бўлган нарсалар бор, тўққиз очко етарли эмас, гуруҳда биринчи ўринни эгаллаш - асосий мақсадимиз. Бироқ, ҳозир яхши ҳолатдамиз. Бизда қийин гуруҳ бор, агар биз максимал даражада ҳаракат қилмасак, ҳаммаси қандай якунланиши мумкинлигини кўрдик. "Атлетико"га қарши ўйиннинг биринчи бўлимида даставвал гол уриб, сўнг тезда иккита гол ўтказиб юбордик. Биз формамизни сақлаб қолишимиз керак, олдинда жуда кўп жиддий ўйинлар бор. Бу учрашувларда ҳам ғалаба қозонишга ҳаракат қиламиз", - дея Милнернинг сўзларидан иқтибос келтиради «Ливерпуль» расмий сайти.

Эслатиб ўтамиз, Чемпионлар лигаси B гуруҳида "Ливерпуль" 3 ўйинда 9 очко жамғариб гуруҳда пешқадамлик қилмоқда.