«Барселона» вакиллари «Ювентус» ҳимоячисининг агенти Мино Райола билан Маттейс де Лигт трансфери бўйича боғланишди, деб ёзади Todofichajes нашри. Манбага кўра, яқин келажакда «кўк-анорранглилар» Самуэль Умтити ва Клемент Ланглени сотиб юборади. Турин жамоасининг голландиялик ҳимоячиси «Барселона» ҳимояни кучайтириш учун ажойиб вариант деб кўрилмоқда.
Икки футболчининг сотилиши де Лигтни сотиб олиш учун керакли суммани топишга ёрдам бермайди, бироқ каталонияликлар Маттейсни узоқ вақт ўз позициясини ёпа оладиган футболчи сифатида кўришади.
«Ювентус»да голландиялик керакли ўйин амалиётини олмаяпти, шунинг учун у трансферга рози бўлиши мумкин. Бундан ташқари, унинг дўсти Френки де Йонг «Барселона»да ўйнайди.
Эслатиб ўтамиз, де Лигт келишувида 150 миллион еврога сотиб олиш банди бор, бироқ футболчининг агенти «Барселона»ни тинчлантирди ва «Ювентус» билан арзонроқ нарх муҳокама қилиниши мумкинлигини айтди.