"Манчестер Юнайтед" бош мураббийи Оле-Гуннар Сульшер ярим ҳимоячи Бруно Фернандес Англия чемпионати 9-турида "Ливерпуль"га қарши ўйинни ўтказиб юбориши мумкинлигини айтди.
"Аталанта" каби жамоаларга қарши ўйинлар ҳар доим бизга зарар етказади. Бизда икки ёки учта жароҳатланган футболчи бор. Бруну - булардан бири, лекин у ўйинга тайёр бўлиш учун қўлидан келганини қилади", - деди мураббий "Sky Sports" нашрига.
Эслатиб ўтамиз, 20 октябрь куни "Манчестер Юнайтед" Чемпионлар лигаси гуруҳ босқичи 3-турида "Аталанта" ни 3:2 ҳисобида мағлуб этди. Фернандес 90 дақиқани майдонда ўтказди ва 1 ассистентлик қилди. Жорий мавсумда 28 ёшли ярим ҳимоячи 12 ўйинда 4 та гол урди ва 8 та голли узатмани амалга оширди.
Англия чемпионатининг 9-туридан ўрин олган "Манчестер Юнайтед" - "Ливерпуль" ўйини 24 октябрь, якшанба куни Тошкент вақти билан 20:30 да бошланади.
