«Лацио» яримҳимоячиси Луис Альберто жамоа бош мураббийи Маурисио Сарри билан жанжаллашганидан сўнг, клуб раҳбариятига кейинги трансфер ойнасида жамоани тарк этишни хоҳлаши ҳақида хабар берди.

Тўғри, бу режани амалга ошириш унчалик осон бўлмайди, чунки ҳар бир клуб ҳам бундай харидни амалга ошира олмайди. Calciomercato нашри хабарига кўра, «бургутлар» ўз ярим ҳимоячисини камида 50 миллион евро эвазига қўйиб юборишга тайёр.

Таъкидлаш жоизки, бош мураббий билан келишмовчиликдан олдин, футболчи мунтазам равишда ўйин амалиётини олган, Алберто ҳисобида 11 та ўйин бор.

ОАВ испаниялик футболчига асосий давогарлар «Интер» ва «Милан» эканлигига ишонишмоқда.