Тошкент вақти билан 10:40 да Ўзбекистон миллий терма жамоаси делегацияси Нагоядан Жанубий Кореянинг Сеул шаҳрига етиб келди. 3 соат давомида Инчхон халқаро аэрапортида бўладиган бўладиган вакилларимиз кеч соат 21:10 да Тошкент халқаро аэропортида жам бўлишади.
Таъкидлаш лозимки, Ўзбекистон миллий терма жамоаси бош мураббийи Вадим Абрамов ва терма жамоалар техник директори Рустам Акромов делегациядан эртароқ йўлга чиққан бўлиб, улар Нагоя-Сеул-Тошкент йўналиши орқали Ўзбекистон делегациясидан илгарироқ етиб келишади.
Бунга қадар Анзур Исмоилов ва Камолиддин Тожиев Хитойга, Баҳодир Насимов эса Озарбойжонга йўл олишганди. Шунингдек, икки нафар «пахтакорчилар» - Станислав Андреев ва Элдор Магдеев клубнинг БААдаги йиғинига жўнаб кетишди. Ва ниҳоят сўнгги икки ўйинда миллий терма жамоани сардор сифатида майдонга бошлаб тушган Темур Кападзени «-Аш-Шаржа» Қатардаги йиғинига чақириб олди. Қолган барча футболчилар катта мураббий Шуҳрат Мақсудов раҳбарлигида Тошкентда бўлишади.
