Италия А Сериясининг 9-туридан ўрин олган энг марказий баҳс Миландаги «Жузеппе Меацца» стадионида «Интер» ва «Ювентус» жамоалари ўртасида бўлиб ўтди. Қизиқарли кечган учрашувда 1:1 ҳисобида дуранг қайд этилди. Ўйиннинг 17-дақиқасида «нерадзуррилар»нинг босниялик ҳужумчиси Эден Жеко Шесни қўриқлаётган дарвозани аниқ нишонга олди ва ўйиндаги ҳисобни очди. Ўйиннинг асосий дақиқалари тугашидан 1 дақиқа аввал Пауло Дибала пенальтидан миланликлар дарвозасини ишғол қилиб, орадаги мувозанатни тиклади. Мазкур ҳисоб ўйин охиригача бошқа ўзгармади ва жамоалар 1 очкодан қўлга киритишди.

«Интер» — «Ювентус» 1:1

Голлар: 1:0 – 17 Жеко, 1:1 – 89, пенальти Дибала.

«Интер»: Ҳанданович, Дармиан, де Врей, Шкриньяр, Бастони, Перишич (Думфрис, 72), Брозович, Чалхонўғлу (Гальярдини, 61), Барелла (Весино, 90), Жеко, Мартинес (Санчес, 72).

«Ювентус»: Шесни, Данило, Кьеллини, Бонуччи, Алекс Сандро, Куадрадо (Дибала, 65), Локателли (Кайо Жорже, 83), Маккенни (Артур, 83), Кулусевски (Кьеза, 65), Мората, Бернардески (Бентанкур, 18).

Огоҳлантиришлар: Барелла (40), Алекс Сандро (44), Перишич (70), Кьеллини (90).