Бирлашган Араб Амирликлари кубогида 1/8 финал ўйинларидан бири бўлиб ўтди. 

Отабек Шукуров ҳаракат қилаётган "Шаржа" жамоаси кубок ўйинининг бу босқичида Ажман шаҳридан ташриф буюрган шу номдаги клубга қарши майдонга чиқди.

Ўйин "Шаржа" стадионида бўлиб ўтди. Баҳснинг 3-дақиқасидаёқ ҳисоб очилди. Мезбонлар сафида тезкор гол муаллифи - Маланго Нгита. Ҳудди ўша футболчининг ўзи иккинчи таймнинг 57-дақиқасида ҳисобни 2:0 кўринишига келтирган бўлса, юртдошимиз Отабек Шукуров ҳам 61-дақиқада ўз ҳисобига гол ёздириб қўйди. Кейинроқ Шукуров алмаштирилди ва меҳмонлар қандайдир 10 дақиқа ичида 3 бор майдон эгалари дарвозасига тўп киритади ва 3:3 ҳисобида учрашув якунланади. Биринчи баҳс 2:2 натижаси билан тугаган эди. Сафарда 3:3 ҳисобни қайд этган "Ажман" меҳмондаги голлар эвазига кейинги босқичига ўтди.

БАА Кубоги, 1/8 финал

"Шаржа" – "Ажман" - 3:3 (1:0,2:3)

Голлар: 3 - (1:0) Маланго Нгита, 57 - (2:0) Маланго Нгита, 61 - (3:0) Отабек Шукуров, 79 - (3:1) Стив (пенальтидан), 83 - (3:2) Ал-Жунайби, 89 - (3:3) Ал Раеси.

Шаржа - Ал-Хосани, Ганем, Ал-Хоссан, Отабек Шукуров, Абдулрахмон, Салим, Мелони, Маланго Нгита, Луанзиньо, Каио, Абдулбосит.

Ажман - Аҳмед, Еиса, Файз, Жасим, Ҳалифа, Мена, Аҳмад, Саид, Шаитит, Спадасио, Ал-Жунайби.