Birlashgan Arab Amirliklari kubogida 1/8 final o‘yinlaridan biri bo‘lib o‘tdi. 

Otabek Shukurov harakat qilayotgan "Sharja" jamoasi kubok o‘yinining bu bosqichida Ajman shahridan tashrif buyurgan shu nomdagi klubga qarshi maydonga chiqdi.

O‘yin "Sharja" stadionida bo‘lib o‘tdi. Bahsning 3-daqiqasidayoq hisob ochildi. Mezbonlar safida tezkor gol muallifi - Malango Ngita. Huddi o‘sha futbolchining o‘zi ikkinchi taymning 57-daqiqasida hisobni 2:0 ko‘rinishiga keltirgan bo‘lsa, yurtdoshimiz Otabek Shukurov ham 61-daqiqada o‘z hisobiga gol yozdirib qo‘ydi. Keyinroq Shukurov almashtirildi va mehmonlar qandaydir 10 daqiqa ichida 3 bor maydon egalari darvozasiga to‘p kiritadi va 3:3 hisobida uchrashuv yakunlanadi. Birinchi bahs 2:2 natijasi bilan tugagan edi. Safarda 3:3 hisobni qayd etgan "Ajman" mehmondagi gollar evaziga keyingi bosqichiga o‘tdi.

BAA Kubogi, 1/8 final

"Sharja" – "Ajman" - 3:3 (1:0,2:3)

Gollar: 3 - (1:0) Malango Ngita, 57 - (2:0) Malango Ngita, 61 - (3:0) Otabek Shukurov, 79 - (3:1) Stiv (penaltidan), 83 - (3:2) Al-Junaybi, 89 - (3:3) Al Rayesi.

Sharja - Al-Xosani, Ganem, Al-Xossan, Otabek Shukurov, Abdulraxmon, Salim, Meloni, Malango Ngita, Luanzinyo, Kaio, Abdulbosit.

Ajman - Ahmed, Yeisa, Fayz, Jasim, Halifa, Mena, Ahmad, Said, Shaitit, Spadasio, Al-Junaybi.