"Челси" бош мураббийи Томас Тухель жамоа футболчиси Каллум Хадсон-Адои ҳақида гапирди. У бу ҳақда шундай дейди:
"Унга кўпроқ амалиёт керак. Нафақат, Каллум, балки бу йигитларнинг барчаси ажойиб ва иқтидорли. Мен улар ҳақида илиқ фикрлар кўп эшитаман. Аммо сиз буни майдонда исбот қилишингиз, кўрсатишингиз талаб этилади. Бу нарса эса ҳужумкор футболчиларга нисбатан осон. Улар гол уриши ёки тўғри узатма беришининг ўзи кифоя. Биз Каллумнинг иқтидорини яхши биламиз. Унга иложи борича майдонда кўпроқ имконият беришга ҳаракат қиламиз".
Шунингдек, Тухель ўз нутқида "Челси" академияси мураббийларига асосий жамоа учун яхши кадрлар етказиб бераётгани учун ўз миннатдорчилигини билдирди.