"МЮ"нинг афсонавий мураббийи Сер Алекс Фергюсон клубнинг Каррингтондаги машғулотлар майдонига ташриф буюрган. Бу ҳақда "Manchester Evening News" хабар қилди.

Унга кўра, Фергюсон мавжуд вазиятни юмшатиш ва Сульшерни шахсан ҳимоясига олгани етиб келган. "Ливерпуль"га шармандали мағлубиятдан кейин Сульшерга нисбатан босим кескин ортиб кетган эди. Унинг клубдаги келажаги сўроқ остида қолганлиги ҳақида ҳам хабарлар тарқатилганди.

Аммо энг сўнгги берилган маълумотда унинг клубда қолиши айтилади. Аввалроқ "МЮ" раҳбарияти Антонио Конте билан боғланганлиги ҳақида хабар қилинганди.