«Вест Бромвич» ҳужумчиси Питер Одемвинги ва «Арсенал» бош мураббийи Арсен Венгер Англия Премьер-лигасида февраль ойининг энг яхши футболчиси ва мураббийи деб топилдилар.
Февраль ойида Тошкентда таваллуд топган футболчи 5 та гол уришга муваффақ бўлган. У «Вулверҳэмптон» билан ўйин (5:1) да ҳет-трик, «Сандерлэнд»га қарши кечган учрашув (4:0) да муаллифи бўлган.
Арсен Венгер жамоаси эса февралда 4 та ўйин ўтказиб 3 тасида ғалаба қозонган, 1 та ўйин дуранг билан якунланган. Тўплар нисбати эса 14 га 4.
