"Вест Хэм" дарвозабони Лукаш Фабьянски клуб билан шартномасини узайтириш бўйича музокаралар ҳақида гапирди.
“Билишимча, бу масалани муҳокама қилиш аллақачон бошланган. Умид қиламанки, иккала томон учун ҳам яхши келишувга эришамиз. Шартнома узайтирилмаслиги учун ҳеч қандай сабаб кўрмаяпман. Мен ҳам, клуб ҳам ҳамкорликдан мамнунмиз", - дея Фабиански сўзларидан иқтибос келтирган "Meczyki" нашри.
2021/22 йилги мавсумда Фабьянски "Вест Хэм" таркибида 10та ўйинда майдонга тушди ва 10та гол ўтказиб юборди. Шунингдек, 4 қуруқ учрашув ўтказди. 36 ёшли полякнинг "болғачилар" билан амалдаги шартномаси 2022 йилнинг июнь ойи охиригача амал қилади.
