«Барселона» ва Бильбаонинг «Атлетик» клуби чиққан Испания кубоги финали ўтадиган жой ва сана 6 март, сешанба куни ойдинлаштириладиган бўлди.
Жума куни бўлиб ўтган клуб вакилларининг йиғилишида томонлар бир тўхтамга кела олишмади. «Барселона» финал ўйини 25 май куни Мадриддаги «Всенте Кальдерон» стадионида ўтишини истаётган бўлса, «Атлетик» ўйин 20 май куни Севилья шаҳрида бўлишини хоҳламоқда.
Эслатиб ўтамиз, 19 май куни Европа чемпионлари Лигаси финали бўлиб ўтади. Агар плей-офф босқичларида муваффақиятли қатнашса, «Барселона» ҳам ушбу финал иштирокчиси бўлиши мумкин.
