Тошкентда бўлаётган 23 ёшгача бўлган футболчилар ўртасидаги Осиё чемпионати «D» гуруҳининг дастлабки учрашуви якунланди. Унда Ўзбекситон U-23 жамоаси Саудия Арабистони ёшларига қарши майдонга тушиб, 2:2 ҳисобидаги дурангни қайд этишди. Учрашувдаги ҳисоб меҳмонлар томондан очилди. 40-дақиқада судияликлар футболчиси Ҳамид Абдуллоҳ ўйиндаги дастлабки голни киритди — 0:1.

Орадан 5 дақиқа ўтиб, вакилларимиз мувозанатни тиклашди. Гол муаллифи —Отабек Жўрақўзиев —1:1.

Учрашувнинг дастлабки бўлими 1:1 ҳисобида якунланди.
Иккнчи тайм аввалида, рақибларимиз яна ҳисобда олдинга чиқиб олишди. 46-дақиқада Абдулмуҳсин Алқаҳтани жамоасини ҳисобда олдинга олиб чиқди —1:2.

78 дақиқада меҳмонлар футболчиси ўз жарима майдони ичида қоида бузди ва вакилларимиз пенальти тепиш имкониятига эга бўлишди. 11 метрлик нуқтага келган Жасур Жалолиддинов зарбада адашмади  ва ҳисобни яна тенглаштирди — 2:2.

Ўйинниннг қолган дақиқаларида ҳар икки жамоада ҳам гол уриш учун имконият бўлди, бироқ учрашувда ҳисоб бошқа ўзгармади.

Ўзбекистон U-23 - Судия Арабистони U-23 - 2:2


Голлар: Ҳамед Абдуллоҳ Ал Гамди - 40, Отабек Жўрақўзиев -45, Абдулмуҳсин Ал Қаҳтани - 46, Жасур Жалолиддинов - 79.

Саудия Арабистони: 22.Абдулраҳмон Анвар Ал Шаммари, 4.Халифа Одил Ал Давсари, 5.Жиҳод Тхикри, 8.Ҳамед Абдуллоҳ Ал Гамди, 12.Наваф Бу Вашл, 14.Мансур Фаёз Ал Беши, 15.Ҳуссайн Аҳмад Ал Исса, 16.Зияд Муборак Ал Жоҳани, 19.Абдуллоҳ Ал Ҳамддан, 20.Муҳаммад Ал Кунайдри, 23.Абдулмуҳсин Ал Қаҳтани.

Ўзбекистон: 12.Владимир Назаров, 2.Саидазамат Мирсаидов, 4.Абубакр Ризо Турдалиев, 5.Муҳаммадқодир Ҳамралиев, 7.Хожимат Эркинов, 10.Жасур Жалолиддинов, 11.Отабек Жўрақўзиев, 17.Диёр Холматов, 19.Ҳамидхон Рустамхонов, 20.Диёрбек Раҳимқулов, 22.Алишер Одилов.

Огоҳлантириш: 26 - Саидазамат Мирсаидов, 29 - Мансур Фаёз Ал Беши, 55 -Жасур Жалолиддинов, 87 - Суннатуллоҳ Ҳамиджонов