"Ливерпуль" ва Миср терма жамоаси ҳужумчиси Муҳаммад Салоҳнинг футбол карьераси ва хайрия ишлари унинг мамлакатидаги бошланғич ва иккинчи даражали инглиз тили дарсликларида акс эттирилади.
Маълумотларга кўра, футболчининг ҳаётидан олинган фактлар ўқувчиларни ўз олдига юксак мақсадлар сари илҳомлантиради деган умидда Миср миллий ўқув дастурига киритилган.
29 ёшли Салоҳ бутун фаолияти давомида Премьер-лига, Чемпионлар лигаси, УЕФА Суперкубоги, клублар ўртасидаги жаҳон чемпионати ва бошқа турнирларда ғолиб чиққан. Шунингдек, Миср терма жамоаси билан биргаликда Африка Миллатлар Кубогини қўлга киритган.