"Манчестер Сити" клуби бош мураббийи Пеп Гвардиола жамоасининг Англия лига кубогидаги "Вест Хэм"га мағлубияти ҳақида гапирди. У бу ҳақда шундай дейди:
"Ажойиб йўлнинг якунига етдик. Аммо биз буни яхши ҳаракатлар билан тугата олдик. Биз бугунги рақибга қарши яхши ўйин кўрсатдик. Чуқур ҳимоядаги рақибга қарши имкониятлар ҳосил қилдик. Пенальтилар сериясида эса рақиб кучлироқ эди. Мен "Вест Хэм"ни ғалаба билан табриклайман. Уларда ажойиб жамоа ва фантастик мураббий бор. Келаси йил биз яна қайтамиз".
Эслатиб ўтамиз, "Ман Сити" лига кубогининг амалдаги ғолиби эди.