«Лестер» ўнг қанот ҳимоячиси Тимоти Кастань Англия Премьер-Лигаси 10-туридан ўрин олган «Арсенал»га қарши баҳсдан олдин ўз фикрларини билдириб ўтди.
"Бу - биз учун катта ўйин. Ўтган мавсум уй учрашувимизда «Арсенал»га 1:3 ҳисобида ютқазиб қўйгандик. Шундай экан, шу нарса ҳали ҳам эсимизда. Улар жуда яхши ўйин кўрсатишмоқда. Мавсум бошида бир қатор қийинчиликка дуч келишганини биламан, аммо улар ҳозирда анча яхши ўйнашмоқда. Уларда савия мавжуд ва жуда кўп югуришади. Бу жиҳат уларни янада хавфлироқ қилади.
Биз буни инобатга олган ҳолда ўз маҳоратимизни кўрсатишимиз керак. "Манчестер Юнайтед"га қарши ўйнаганимиздек, уларни ҳам яхши жамоа эканликларини ҳисобга олишимиз, аммо тўп бизда бўлганида улар бизни тўхтатиш учун ўйлашга мажбур этишимиз лозим. Ўзз ўйинимизни кўрсата олсак ва ҳимояда кучли ҳаракат қилсак, бизда ажойиб имконият бўлади".
Гарчи «тулкилар» сафида 1 йилдан ортиқ вақт давомида ҳаракат қилаётган бўлса ҳам, 2021/2022 йилги мавсум Кастан учун мухлислар қуршовидаги "Кинг Повер" стадионида илк марта ўйнаш имкониятини бермоқда.
"Бу жуда ажойиб бўлади. Улар ҳар доим «Лестер» мухлислари яхши атмосфера ярата олишани айтиб келишган ва шундай муҳитда ўйнай олиш имкониятига эга бўлаётганим мен учун ёқимли. Шуниси аниқки, мухлисларнинг стадионга қайтиши сафар учрашувларини бироз оғир ўтишига олиб келади, аммо бошқа клублар "Кинг Повер" стадионига ташриф буюришганида шундай гапларни айтишади. Жорий мавсум уларнинг стадионга қайтиши ҳам уй, ҳам сафар ўйинларида биз учун зўр".
«Арсенал» бош мураббийи Микел Артета «Лестер»га қарши сафар ўйини олдидан ўз фикрлари билан бўлишди.
"Иккала жамоа ҳам шу ўйинда ютишга ҳаракат қилади. Иккаламиз ҳам қийин ўйин бўлишини биламиз. Уларга қарши ўйнаш бўйича тажрибамиз бор ва мазкур баҳс учун имкон қадар энг яхши усулда тайёргарлик олиб борамиз.
Рақиб турли хил кўринишда ўйнай олади. Улар ҳурмат қиладиган бир қанча қадриятлар бор. Ўйлайманки, Брендан клубда катта ишларни амалга оширди ва биз яна ўз ўйинлари орқали турли хил ўйинлари орқали бизга қийинчилик олиб келадиган жамоага қарши тўқнаш келамиз.
Бу ҳафта иккаламиз ҳам 90 дақиқа ўйнадик, пенальтиларни ҳисобга олмаганда. Лидсда АПЛдаги энг тажовуз ўйнайдиган жамоага қарши ўйнадик ва ҳозир қайта тикландик ва кейингиси учун тайёрман".
