Англия Премьер-Лигаси 10-турида "Манчестер Сити" Лондон клуби "Кристал Пелас"ни қабул қилади.
Мазкур баҳсдан олдин жамоаларнинг ҳолати ва қизиқарли маълумотларни тақдим этамиз.
Биласизми?
Бу Пеп Гвардиоланинг "Манчестер Сити" бошқарувидаги 200-ўйини бўлади (146 ғалаба, 25 дуранг, 28 мағлубият). Қандай натижа қайд этилишидан қатъи назар, мутахассис ушбу 22 лик довонни забт этган мусобақадаги исталган мураббийдан кўпроқ ғалаба қозонган.
"Манчестер Сити" шанба куни маҳаллий вақт билан 15:00да бошланган охирги 50 АПЛ ўйинидан фақатгина биттасида мағлубиятга учраган (43 ғалаба, 6 дуранг). Аммо, ўша мағлубият 2018 йилнинг декабрь ойида айнан "Кристал Пелас"га қарши учрашувда (2:3) қайд этилган.
"Кристал Пелас" ҳужумчиси "Манчестер Сити" дарвозасига гол урмаган ва унга қарши энг кўп ўйинда (13) майдонга тушган футболчи саналади. Аммо, бельгиялик АПЛдаги охирги 10 сафар учрашувида 5 гол уришга эришди. Олдин у ушбу натижага эришиш учун 32 ўйиинда майдонга тушганди.
2013/2014 йилда Премьер-Лигага қайтганидан бери, «Пелас» "Манчестер Сити" билан 16 ўйинда жами 39 гол ўтказиб юборган ва бир ўйинда дарвозаси даҳлсизлигини сақлаб қолган. «Бургутлар» ушбу 16 учрашувдан 11тасида гол уришни уддасидан чиқмаган.
Баҳс расмийлари
Бош ҳакам: Андре Марринер
Қанот ҳакамлари: Адриан Холмс, Скотт Лежер
Захира ҳаками: Энтони Тейлор
ВАР: Ли Мейсон
ВАР ёрдамчиси: Ян Ҳуссин
"Манчестер Сити" ва "Кристал Пелас" қуйидаги таркиб билан ўйинни бошлаши кутилмоқда.
Тахминий таркиблар
"Манчестер Сити": Эдерсон, Уокер, Диаш, Лапорт, Канселу, Силва, Родри, Де Брюйне, Фоден, Жезус, Грилиш
"Кристал Пелас": Гуаита, Уорд, Андерсен, Гехи, Митчелл, Галлагер, Миливоевич, МакАртур, Олисе, Бентеке, Заҳа
Ҳафта ўртасида "Манчестер Сити" аъзоси Раҳим Стерлинг жароҳатидан фориғ бўлиб қайтди, лекин бу ўйинни захирада бошлаши мумкин. Де Брюйне ва Гюндогандан бири бугунги ўйинни асосий таркибда бошлаши кутилмоқда. Ферран Торрес жароҳати боис учрашувда иштирок эта олмайди.
Уилфрид Заҳа ўтган ҳафта жароҳатидан қайтди ва бугунги учрашувда асосий таркибда тушиш эҳтимоли юқори. Бу эса Олисе, Эдуар ва Аю ҳужум учлигининг бир позицияси учун курашишини билдиради. Натан Фергюсон жароҳат олиб сафдан чиққан. Эберечи Эзе эса спорт формада эмас.
Рақамлар
"Манчестер Сити" барча мусобақаларда "Кристал Пелас"га қарши охирги 8 уй учрашувида ўртача 2,5 тадан кўпроқ гол киритилган.
"Кристал Пелас" Англия чемпионатидаги охирги 4 учрашувида дуранг натижа қайд этган.
"Манчестер Сити" барча мусобақаларда "Кристал Пелас"га қарши охирги 8 уй учрашувининг ҳар бирида камида 2 тадан гол киритган.
"Манчестер Сити" АПЛдаги охирги 8 учрашувида мағлубиятга учрамаган.
Томонлар АПЛда ўзаро 22 марта тўқнаш келишган. 14 марта «Сити», 3 маротаба «Пелас» ғалаба қозонган.
Жамоаларнинг охирги учрашувида (май ойида) лондонликлар 0:1 ҳисобида ўз уйида имкониятни бой берган.
Эслатиб ўтамиз, бугуни баҳс Тошкент вақти билан соат 19:00да бошланиши режалаштирилган.
