Маурисио Почеттино Франсия 1-лигасининг 12-туридан ўрин олган "Лилль"га қарши ўйинида мағлубиятга учраётиб, муваффақиятга эришган ўз футболчиларининг характери ҳақида гапирди.
“Футболчиларингизнинг характери ҳал қилувчи омилга айландими? Ҳа, менимча, жамоа қийин вазиятда ажойиб характер кўрсата олди. Бу уларнинг менталитети, характери қандайлигидан дарак беради.
Ишончли тарзда ғалаба қозонишни истаймиз. Аммо бу ҳар доим ҳам амалга ошавермайди, лекин жамоа керакли натижа учун қўлидан келганини қилади. Чемпионатдаги 12та ўйиндан 10тасида ғалаба қозонганимиз бежиз эмас. Мен жамоанинг руҳиятидан мамнунман", - дея Почеттино сўзларидан иқтибос келтирган "L'Equipe" нашри.