Дортмунднинг "Боруссия" клуби спорт директори Михаэль Цорк Эрлинг Ҳоланднинг сафга қайтиш вақти ҳақида гапирди.
"Ҳоланднинг қачон майдонга қайтиши ҳақида аниқ айтишга ҳали эрта, аммо умид қиламизки, у бу йил яна ўйнай олади. Бу аниқ бўлиши учун яна бир неча ҳафта керак бўлади", - деди Германия клуби спорт директори Михаэль Цорк.
Дортмундликлар форварднинг 4-декабрь куни Бундеслигада амалдаги чемпионат пешқадами "Бавария"га қарши баҳс олдидан сафга қайтишига умид қилмоқда.
2021/22 йилги мавсумда Ҳоланд жами 10 ўйинда майдонга тушиб, 13та гол урди ва 4 голли узатмани амалга оширди.
