«Тоттенхэм» раҳбарияти жамоа бош мураббийи Нуну Эшпириту Сантунинг ишидан норози, дея хабар беради журналист Николо Шкира.
Манбага кўра, 47 ёшли португалиялик мутахассис учун Конференция лигасида «Витесс»га қарши (4 ноябрь) ва АПЛда «Эвертон»га қарши (7 ноябрь) кейинги икки учрашув ҳал қилувчи бўлиши мумкин. Маълум қилинишича, агар «шпорлар» ушбу учрашувларда муваффақиятсизликка учраса, мураббий ўз лавозимидан четлатилади.
Нуну Эшпириту Санту «Тоттенхэм»ни 2021 йилнинг ёзидан буён бошқариб келмоқда. Мураббий қўл остидаги жамоа сўнгги 4 учрашувда 3 марта мағлубият аламини тотиб кўрган.
