«Tottenxem» rahbariyati jamoa bosh murabbiyi Nunu Eshpiritu Santuning ishidan norozi, deya xabar beradi jurnalist Nikolo Shkira.

Manbaga ko‘ra, 47 yoshli portugaliyalik mutaxassis uchun Konferensiya ligasida «Vitess»ga qarshi (4 noyabr) va APLda «Everton»ga qarshi (7 noyabr) keyingi ikki uchrashuv hal qiluvchi bo‘lishi mumkin. Ma’lum qilinishicha, agar «shporlar» ushbu uchrashuvlarda muvaffaqiyatsizlikka uchrasa, murabbiy o‘z lavozimidan chetlatiladi.

Nunu Eshpiritu Santu «Tottenxem»ni 2021 yilning yozidan buyon boshqarib kelmoqda. Murabbiy qo‘l ostidagi jamoa so‘nggi 4 uchrashuvda 3 marta mag‘lubiyat alamini totib ko‘rgan.