Шу кунларда жаҳоннинг энг кучли ҳарбий дзюдочилари чемпионлик учун кураш олиб боришмоқда. Кеча старт олган мусобақанинг дастлабки кунидаёқ икки нафар ҳамюртимиз жаҳонда тенгсиз эканликларини исботлашди.
-52 кг вазн тоифасида юртимиз шарафини ҳимоя қилган кадетлар ўртасида жаҳон чемпиони Диёра Келдиёрова энди ҳарбийлар ўртасида ҳам жаҳон чемпионига айланди. У тўғридан-тўғри ярим финалдан баҳсларга қўшилди. Бу босқичда франциялик Чеэнне Муниерни, финалда эса яна бир мезбонлар вакиласи Жулие Вейлл Дит Морейни мағлубиятга учратди.
Эркаклар ўртасидаги мусобақанинг -60 кг вазн тоифасидаги беллашувларида татамига чиққан Дилшодбек Баратов австриялик Даниел Леутгеб, эронлик Муҳаммад Ҳосейн, финалда эса франциялик Жолан Флоримонтдан устун келди ва шоҳсупанинг энг юқори поғонасига кўтарилди.
Ўз тарихида юбилей 40-маротаба ташкил этилаётган мусобақа 4 ноябргача давом этади.
