«Бетис» ва «Рома» «Реал»нинг испаниялик ярим ҳимоячиси Даниэль Себальосни сотиб олмоқчи, деб ёзади журналист Николо Скира.
Манбанинг хабарига кўра, футболчи ўйин амалиётига эга бўлмагани учун қишда Мадрид клубини тарк этишга тайёр. «Бетис» футболчининг трансфери устида ишламоқда ва «Реал Мадрид» раҳбарлари билан футболчини кейинчалик сотиб олиш варианти билан ижарага бериш масаласини муҳокама қилмоқда. Бироқ, «Реал» ярим ҳимоячини сотмоқчи.
«Рома» ҳам Себальосни ижарага олишга тайёр, клублар музокаралар олиб бормоқда.
Жорий мавсумда футболчи «Реал Мадрид»нинг бирорта ўйинида иштирок этмади. Футболчининг нархи 20 миллион еврога баҳоланмоқда. Унинг клуб билан шартномаси 2023 йилнинг 30 июнига қадар амал қилади.
