Мадриднинг "Реал" жамоаси бош мураббийи Жое Моуриньо, мавсум сўнггида жамоани тарк этиши мумкинлиги ҳақидаги гапларга изоҳ бериб ўтди.
"Мен мавсум якунлангач нима қилишим ҳақида бирор қарорга келдимми? Кейинги саволни беринг. Ҳозир менинг келажагим ҳақида гаплашадиган вақтмас.
Билмадим, нега менинг қаёққадир кетишим тўғрисида кўплар миш-мишлар пайдо бўляпти? Биз ҳозир фақат "Эспаньол" ҳақида ўйлаяпмиз. Бу яхши жамоа ва биз "Барселона" билан орамиздаги очколар фарқини сақлаш учун уни ютишимиз керак", дея унинг сўзларидан иқтибос келтиради AS.
Эслатиб ўтамиз, душанба куни Моуриньо кейинчалик яшамоқчи бўлган уйни кўриш учун Англияга ташриф буюрди, деган хабарлар тарқалган эди.
