УЕФА Чемпионлар лигаси 4-тури доирасидаги «Милан» — «Порту» баҳси якунланди. Қизиқарли кечган учрашувда томонлар муроса йўлини танлашди. Ўйиндаги ҳисоб меҳмонлар томонидан очилди. Учрашувнинг 6 дақиқасида Луис Диас миланликлар дарвозасини ишғол қилди — 0:1.

Ўйиннинг биринчи бўлими шу ҳисоб билан якунланди.

Иккинчи тайм тенг курашлар остида бошланди. Ҳар икки жамоа дарвозаси олдида кескин вазиятлар бўлиб турди. 61 дақиқага келиб ҳисоб тенглашди. Португалия клуби футболчиси Мбембе ўз дарвозасини ишғол қилиб қўйди — 1:1.

Учрашувнинг қолган дақиқалари ҳам кетма-кет курашлар остида кечди. Бироқ, гол уриш ҳар икки жамоага ҳам насиб қилмади.

«Милан» — «Порту» - 1:1

Голлар: 0:1 – 6 Диас, 1:1 – 61, автогол Мбемба.

Милан – Тэтэрушану, Калабрия (Калулу, 46), Романьоли, Томори, Эрнандес, Беннасер, Салемакерс, Тонали (Кессиэ, 68), Жиру (Ибрагимович, 76), Рафаэл Леау, Браим Диас (Крунич, 68).

Порту – Диогу Кошта, Пепе, Мбемба, Сануси, Отавио, Сержиу Оливейра (Витинья, 70), Груйич, Жоау Мариу, Тареми, Эванилсон (Франсишку Консейсау, 79), Диас (Бруну Кошта, 79).

Огоҳлантиришлар: Груйич (49), Томори (55), Мбемба (65), Витинья (73).