Собиқ "МЮ" ва "Эвертон" футболчиси Маруан Феллайни Девид Мойес ҳақида фикр билдирди. У бу ҳақда "Athletic" нашрига шундай дейди:
"Мен унинг истеъфо берганини эшитиб жуда хафа бўлгандим. Чунки у жамоада катта муваффақиятга эришишни истаган эди. Агар сиз ўша пайтда "Эвертон"нинг исталган футболчисидан Мойес ҳақида сўраганингизда уларнинг ҳаммаси уни қанчалик олийжаноб инсон эканини айтган бўларди. Мен олдиндан айтиб келганман: агар Мойесга вақт берилганида у яхши жамоа шакллантира олган бўларди. Мен уни "Вест Хэм"даги фаолиятини кузатиб тураман. Унинг жамоаси кучайиб бормоқда. Очиғини айтаман, мен унинг "МЮ"дан кетганини билганимда, йиғлаган эдим. Негаки, у жамоа билан узоқ вақт қолади деб ўйлардим".
Феллайни ва Мойес "Эвертон"да ҳам бирга ишлаган. Мойес 2014 йилда бельгияликни шахсан "МЮ"га таклиф этган эди.
