"Ювентус" собиқ бош мураббийи Андреа Пирло фаолиятини яна А Серия клубларидан бирида давом эттириши мумкин. У "Женоа" билан келишувга эришишга яқин, дея хабар берди "La Gazette Dello Sport" нашри.
"Женоа" яқин орада лавозимидан озод қилинадиган Давиде Баллардини ўрнига айнан Пирлони муносиб деб билган. Ўз навбатида собиқ Италия терма жамоаси футболчиси ҳам яна ишга қайтишга тайёрлигини билдирган. Яқин вақтлар ичида томонлар ўртасида расмий шартнома тузилади, дейилган хабарда.
"Женоа" жорий мавсум Италия чемпионатининг 11 учрашувида атиги 8 очко тўплаган.
