1999-йилда “Олтин тўп”ни қўлга киритган бразилиялик собиқ ҳужумчи Ривалдо бу йилги совринни қўлга киритиш учун асосий фаворит сифатида “Бавария” ҳужумчиси Роберт Левандовскини эътироф этди.
“Ўйлашимча, Роберт Левандовски “Олтин тўп” учун фаворит. У Лео Месси ва Муҳаммад Салоҳ каби бу соврин учун курашади.
"Бавария" ҳужумчиси - ажойиб футболчи ва ҳақиқий тўпурар. У жамоаси учун муҳим аҳамиятига эга ўйинчи. Биз буни сешанба куни яна бир бор гувоҳига айландик (поляк Чемпионлар лигаси “Бенфика”га қарши ўйинда хет-трик қайд этди)”, - деди Ривалдо "Betfair" нашрига.
Эслатиб ўтамиз, мукофот топшириш маросими 29 ноябрь куни Париж шаҳрида бўлиб ўтади.
