Англия чемпионатида 11-тур учрашувлари бўлиб ўтмоқда.

Турнинг марказий баҳси Манчестерда кечди ва унда шаҳарнинг икки жамоаси "МЮ" ва "Ман Сити" тўқнаш келишди. "Олд Траффорд"да кечган ўйин меҳмонларнинг 2:0 ҳисобидаги ғалабаси билан якунланди.

Дастлаб, баҳснинг 7-дақиқасида Эрик Байи ўз дарвозасига тўп киритиб меҳмонларни ҳисобда олдинга олиб чиққан бўлса, тайм якунида Бернарду Силва орадаги фарқни иккитага етказиб қўйди. Ўйин якунигача ушбу ҳисоб ўзгармади.

Бу ғалабадан сўнг "Манчестер Сити" ўз ҳисобидаги очколарни 23тага етказиб турнир жадвалида 2-поғонага кўтарилди. "МЮ" эса 17 очко билан 5-ўринда.

Англия Премьер-лигаси, 11-тур

"Манчестер Юнайтед" – "Манчестер Сити" - 0:2 (0:2,0:0)

Голлар: 7 - Байи, автогол (0:1), 45 - Бернарду Силва (0:2).

Манчестер Юнайтед – Де Хеа, Байи, Шоу, Линделёф, Магуайр, Ван-Бисакка, Бруно, Мактоминей, Фред, Гринвуд, Роналду.

Манчестер Сити – Эдерсон, Кансело, Стоунз, Диаш, Уокер, Де Брюйне, Родри, Гюндоган, Фоден, Бернарду, Жезус.