Испания чемпионатининг 13-туридан ўрин олган учрашувлари бўлиб ўтмоқда.

Турнинг қизиқарли баҳсларидан бири Виго шаҳридаги "Балайдос" стадионида кечди. Унда мезбонлар "Сельта" Каталониядан ташриф буюрган "Барселона"ни қабул қилди ва 3:3 ҳисобида дуранг натижага эришди.

Ўйиннинг биринчи бўлимда "кўк-анорранглилар" Ансу Фати, Бускетс ва Депайнинг киритган голлари эвазига учта тўп фарқи билан танаффусга йўл олган эди. Аммо иккинчи бўлимда мезбонлар "камбэк" амалга оширди ва 3:0 ҳисобини 3:3 кўринишига келтиришди.

Ушбу дурангдан сўнг, "Барселона" жадвалда 17 очко билан 9-ўринга жойлашган. "Сельта" эса 12 очко билан 14-поғонада.

Испания Ла Лигаси, 13-тур

"Сельта" – "Барселона" - 3:3 (0:3,3:0)

Голлар: Фати, 5 (0:1). Бускетс, 18 (0:2). Депай, 34 (0:3). Аспас, 52 (1:3). Нолито, 74 (2:3). Аспас, 90+6 (3:3).

Сельта – Дитуро, Галан, Мурильо, Айду, Мальо, Тапиа, Солари, Суарес, Нолито, Аспас, Гальярдо.

Барселона – Тер Штеген, Мингеса, Лангле, Гарсия, Альба, Гави, Бускетс, Нико, Фати, Депай, Де Йонг.