Ispaniya chempionatining 13-turidan o‘rin olgan uchrashuvlari bo‘lib o‘tmoqda.
Turning qiziqarli bahslaridan biri Vigo shahridagi "Balaydos" stadionida kechdi. Unda mezbonlar "Selta" Kataloniyadan tashrif buyurgan "Barselona"ni qabul qildi va 3:3 hisobida durang natijaga erishdi.
O‘yinning birinchi bo‘limda "ko‘k-anorranglilar" Ansu Fati, Buskets va Depayning kiritgan gollari evaziga uchta to‘p farqi bilan tanaffusga yo‘l olgan edi. Ammo ikkinchi bo‘limda mezbonlar "kambek" amalga oshirdi va 3:0 hisobini 3:3 ko‘rinishiga keltirishdi.
Ushbu durangdan so‘ng, "Barselona" jadvalda 17 ochko bilan 9-o‘ringa joylashgan. "Selta" esa 12 ochko bilan 14-pog‘onada.
Ispaniya La Ligasi, 13-tur
"Selta" – "Barselona" - 3:3 (0:3,3:0)
Gollar: Fati, 5 (0:1). Buskets, 18 (0:2). Depay, 34 (0:3). Aspas, 52 (1:3). Nolito, 74 (2:3). Aspas, 90+6 (3:3).
Selta – Dituro, Galan, Murilyo, Aydu, Malyo, Tapia, Solari, Suares, Nolito, Aspas, Galyardo.
Barselona – Ter Shtegen, Mingesa, Langle, Garsiya, Alba, Gavi, Buskets, Niko, Fati, Depay, De Yong.
