"Интер"нинг хорватиялик ярим ҳимоячиси Марсело Брозович фаолиятини Англияда давом эттириши мумкин. Бу ҳақида Италиянинг "Tuttomercato" нашри хабар берди.
Маълумотларга кўра, футболчининг хизматларига "Тоттенхэм" қизиқиш билдирмоқда. Сўнгги икки мавсумда миланликлар сафида бош мураббий бўлган Конте собиқ шогирдини ўз жамоасида кўрмоқчи.
Шунингдек, Брозович "нерадзуррилар" билан янги шартнома борасида келиша олмаётгани ва 2022 йилнинг ёзида эркин агентга айланиши "шпорлар"га қўл келиши мумкин.
Жорий мавсум Брозович барча турнирларда 15 ўйинда майдонга тушиб, 1 гол, 2 голли узатмани амалга оширди.
