Испания чемпионатининг 13-тури доирасида “Атлетико” сафарда “Валенсия” меҳмони бўлиб, 3:3 ҳисобида дуранг ўйнади.
Мадридликлар Луис Суарес, Антуан Гризманн ва Шиме Врсалько ўз номини таблога ёздириб қўйган бўлса, “Атлетико” футболчиси Стефан Савичнинг автоголи ва қўшиб берилган дақиқаларда дубль қайд этган Уго Дуро мезбонларнинг голларига муаллифлик қилишди.
Ушбу ўйиндан сўнг, 23 очко тўплаган “Атлетико” Ла Лига турнир жадвалида тўртинчи ўринда қолди ва ҳозирда “Реал”дан 4 очко орқада бормоқда. "Валенсия" эса 17 очко билан 10-поғонага кўтарилиб олди.
"Валенсия" – "Атлетико" - 3:3 (0:1,3:2)
Голлар: Суарес, 35 - 0:1, Савич, 50 (автогол) - 1:1, Гризманн, 58 - 1:2, Врсалько, 60 - 1:3, Дуро, 90+2 - 2:3, Дуро, 90+6 - 3:3
"Валенсия": Силлессен, Фулькье, Альдерете, Диакаби, Гайя, Солер, Гильямон, Васс (Маркос Андре, 65), Рачич (Муса, 65), Гедеш, Элдер Кошта.
"Атлетико": Облак, Триппьер (Врсалько, 8), Савич, Хименес, Эрмосо, Карраско, Коке, де Пауль, Суарес, Гризманн, Корреа (Кондогбиа, 73).
