Goal нашри хабарига кўра, «Реал» ҳужумчиси Карим Бензема «қироллик клуби»ни тарк этиши мумкин. Гап шундаки, «қаймоқранглилар» Дортмунднинг «Боруссия» клуби ҳужумчиси Эрлинг Холандни ўз сафига қўшиб олмоқчи ва шу сабаб мадридликлар француз футболчисидан воз кечмоқчи. Чунки, Бензема ва Ҳоланд бир позицияда ўйнайди.

Бу ҳолатда Бензема ватанига қайтишга ва Лига 1 клуби билан шартнома имзолашга тайёр. Баъзи манбаларнинг хабарига кўра, «ПСЖ» тажрибали ҳужумчи хизматига қизиқиш билдирмоқда.

Жорий мавсумда Ҳоланд 10 та ўйин ўтказиб, 13 та гол урди ва 4 та голли узатмани амалга оширди. Карим эса 15 та учрашувда, 14 та гол ва 8 та голли пас муаллифига айланган.