"Барселона" клуби собиқ ярим ҳимоячиси Андрес Иньеста "кўк-анорранглилар" бошқарувига Хави тайинланиши борасида ўз фикрини билдириб ўтди.

"Хави "Барселона"га жуда мос келади. Бунга ишончим комил. У нафақат клуб ҳақида барча нарсани билади, балки бундай синовга у тайёр. Унга жаҳондаги жамики омадларни тилайман. Умид қиламан, Хави ўз ишини уддалайди.

Хави лавозимга тайинланганини қанчалик кўтаринкилик билан қабул қилганини кўрдик. Унга ва "Барса"га муваффақиятлар тилайман. Ушбу вазиятга у тайёрланиб келди ва ўзини кўрсатиш имкониятига эга бўлганидан жуда хурсанд. Муваффақият қозониш учун унда барча имкониятлар мавжуд", - деди Иньеста Sport.es сайтига берган интервьюсида.